محتوي الجلسات.

اغلب الناس بييجوا الجلسة وهم قادرين يوصفوا الخلاف او الاحباط او الموقف بالتفصيل، لكن بيلاقوا صعوبة اكبر في انهم يقولوا هما عايزين او محتاجين ايه فعلا. من هنا بنبدأ. بدل ما نركز بس على اللي حصل، بنبص تحت السطح على اللي ما اتقالش، واللي لسه مش واضح او مفهوم بالكامل، وايه اللي فعلا بيحرك الخلاف او الحيرة.

طريقتي من غير احكام. بسمعك كويس، وبسأل اسئلة تساعدك تشوف موقفك من زوايا مختلفة، وبناقش بهدوء بعض الافتراضات او الانماط اللي ممكن تكون مخلياك واقف مكانك. مش هقولك تاخد قرار معين او علاقتك المفروض تبقى عاملة ازاي. لكن بنشتغل سوا عشان نوضح ايه اللي حاسس بيه، وايه اللي محتاجه، وايه اللي تقدر تغيره، وايه اللي مستعد تتقبله.

الهدف انك تخرج من الجلسة بفهم اعمق لنفسك ولعلاقتك، ووضوح اكبر عن الطريقة اللي عايز تكمل بيها.